قصه روعه

خرجت، وحسيت إني بتنفس لأول مرة من زمان.

_________________________
عدى سنتين وافتكرت كل دا وأنا طالعة من عيادة الأطفال وعيوني وقعت على «يوسف» وكنت وقتها إيدي في إيد «عمر» جوزي وهو شايل «عُـبيدة» ابننا اللي عنده حوالي سنة.

بعد طلاقي من «يوسف» بـ 3 شهور ونص اتقدملي«عمر» وكان هو العوض ليا من كل حاجة وحشة في الدنيا، «عمر» كان العمر لدنيتي والأجمل من دا كله إن أنا بعد جوازي من عمر اكتشفت في تاني أسبوع إني حامل ودي كانت مفاجأة كبيرة لينا.

كنت ماشية وأنا ضامة إيدي في إيد عمر، وهو بيحاول يضبط عُبيدة اللي نايم على صدره، والجو هادي بشكل غريب يخليك تحس إن الدنيا أخيرًا بقت أهدى.

وكل دا تحت نظرة «يوسـف» اللي اتعلقت بينا، اه ما أنا سمعت إن يوسف اتجوز بعدي برضه بس الصدمة بالنسبة لي هي إن مراته طلعت عقيمة ومفيش أمل إنهت تخلف على عكس لما أنا كنت على ذمته الدكتورة قالت إن مفيش مشاكل عندي وأقدر أخلف بس المسألة وقت لا أكثر، ومع ذلك بدعيلهم ربنا يصلح حالهم ويرزقهم من واسع فضله.

وحقيقي أحسن حاجة سمعتها ودني هي جملة «عمر» وهو بيميل عليا
: طول عمرك الشهد لدنيتي يا شهد حياة عمر.

بصيت له وابتسمت، ومسكت إيده أكتر، ومشيت، وأنا جوايا إحساس واحد بس إن اللي بيتساب في وقته الصح، ربنا بيعوضه في وقته الصح، من غير ما يظلم حد، ولا يوجع حد حتى لو اتأخر شوية.

تمـت بفضـل الله…
________________________________________
#

– شهد مكانتش كرامتها قليلة لما فضلت بس هي فعلًا كانت مجبورة زي ما بيحصل كتير في الواقع وهو إجبار العيلة تحت مسمى “متخربيش بيتك”، يمكن النهاية اللي كانت متوقعة إن شهد هتكون مع يوسف وهتكمل حياتهم بس حبيت أقولك إن مش دايمًا هتكون حياتك حلوه مع الشخص اللي أنتِ تختاريه وتحبيه ويمكن ربنا سبحانه وتعالى يرزقك شخص أحسن منه ألف مرة ومش لازم يكون الخير في أول مرة، ممكن تكون أول علاقة ومش ناجحة ودا مش لازم يدل على فشلك فيها بالعكس إنك تطلعي من علاقة منجحتيش فيها بس طلعتي بنفسك كويسة فـ دا أسلم ليكِ مليون مرة من كلام الناس، الله يرزقكم جميعًا الخير.🌟