النور
القي الطبيب كلماته وذهب فصرخ طاهر مردفا: هو دا الامان ال في بيتك بنت خالتي من وقت ما عرفتك وهي مشافتش يوم كويس واكيد مراتك هي ال عملت كده
زينه بضيق: اهدي يا طاهر وبعدين روح هتعمل كده ليه دي لسه صغيره حرام نظلمها
طاهر بعصبيه: امااال مين ال عمل كده
نظر امجد بغضب ثم نزل الي الاسفل وذهب الي الحراس ولكمهم بغضب شديد وهو يتحدث مردفا: بجا حد يدخل بيتي ويأذي مرتي وانتوا واجفييين اكده زي الاصنام جسما بالله لهخلص عليكم
الحارس بخوف: والله يا بيه ما حد دخل ولا خرج غريب
امجد بصراخ: امااااال مييين… مييييين
اقترب ادم منه ومنعه من ضـ,ـرب الحراس اكثر من ذالك اما في الاعلي كانت مكه جالسه بجانب والدتها النائمه تبكي بشده فاقتربت روح وتحدثت بحزن مردفه: تعالي وسيبيها ترتاح
مكه ببكاء: انتي عملتي في ماما كده ليه
روح بتوتر: والله العظيم ما عملت حاجه جسما بالله ما عملت حاجه
مكه ببكاء: انتي بتكدبي زي ما كدبتي علي بابا وقولتي اني سـ,ـرقتي الخاتم
جاءت مكه لتتحدث ولكن قاطعهم دخول امجد وتحدث مردفا: لع يا مكه مش روح ال عملت اكده
زهره بحده: انت لسه بتدافع عنها يا امجد بعد ال حوصل
امجد بعصبيه: انا لا بدافع ولا بنيل انا بجول الحقيقه هي كانت معايا تحت طول الوجت هتبجي عملت اكده ازاي
مكه ببكاء: بابا خلي ماما تصحي
طاهر بحده: اول ما فداء تفوق انا هاخدها وهنسافر
امجد بعصبيه: تسافر فين فداء مش هتتحرك من اهنيه
طاهر بغضب: انت بتحكم بصفتك اي دلوقتي هي مش مراتك فداء طليقتك
امجد بغضب: مرتي ولا طليجتي جولت فداء هتفضل موجوده اهنيه
نظر طاهر اليه بغضب ثم خرج من الغرفه فتحدثت روح بتذمر مردفه: طيب هي هتصحي امتي ولا هتنام في اوضتي
زينه بضيق: روح تعالي انهارده نامي في اوضتي
ذهبت روح مع زينه وهي تشعر بالضيق الشديد ونامت مكه بجانب والدتها فأقترب منها امجد وحملها وذهب بها الي غرفتها ووضعها علي الفراش ثم ذهب مره اخري الي غرفه فداء فوجد زينه وتحدثت بضيق مردفه: مين ال عمل كده
امجد بجديه: مش عارف شوفت كاميرات المراقبه مفيش اي حركه غريبه واوضتي مفيهاش كاميرات بس ميش حد غريب دخل اهنيه ومستحيل يكون حد مننا الكل اهنيه بيحب فداء وحتي لو بيكرهوها محدش هيأذيها اكده
زينه بضيق: ممكن روح
امجد بأستنكار: لع والله ما هي خليكي واثقه فيها
