النور
القت زينه كلماتها ثم صعدت الي غرفه روح فوجدتها جالسه تبكي فطرقت علي الباب وتحدثت مردفه: ممكن اتكلم معاكي شويه
روح بدموع: اتفضلي
اقتربت زينه منها ثم تحدثت بابتسامه مردفه: انتي بتعيطي كده ليه
روح ببكاء: علشان امجد مش بيحبني وساب مرته الجديمه تجعد اهنيه في البيت
زينه بضيق: مين قال انه مش بيحبك هو بيحبك بس انتي كمان مركزه اوي معاه هو مش قالك لازم تذاكري
روح بدموع: بس انا مش عايزه اذاكر
زينه بابتسامه: يمكن لما تذاكري وتهتمي بدراستك يحبك صح… حبيبتي انتي لسه صغيره وقدامك الحياه طويله ذاكري كويس واهتمي بدراستك وخلصي المدرسه وبعدين ادخلي كليه عاليه علشان تبقي ناجحه تعرفي امجد حب فداء ليه
روح بدموع: ليه
زينه: علشان فداء ناجحه كانت الاولي علي دفعتها الاربع سنين وبعد ما خلصت كليه طب درست علم نفس وعملت ماجيستير وبتشتغل مدرسه وكمان لما كانت في القاهره كانت بتشتغل اكتر من شغلانه في مجالها ومهتمه بنفسها وشكلها وبنتها وكانت بتهتم بأقل تفصيله في حياه امجد بس من غير ما تضايقه او تخنقه خليكي زيها
روح بتفكير: طيب اعمل اي علشان يحبني اعمل زيها
زينه بضيق: لا يا حبيبتي اعملي علشان خاطر نفسك الاول اهتمي بمذاكرتك وبدراستك وامسحي دموعك
مسحت روح دموعها ثم تحدثت بابتسامه: ماشي انا هعمل اكده
زينه: وبصي تعالي معايا بكره اشتريلك شويه هدوم وحاجات تناسب سنك وبلاش اللبس المكشوف دا
روح بأستغراب: بس كل المتجوزين بيلبسوا اكده مرت عمي وماما جالولي اني البسهم
زينه بضيق: لا بلاش اللبس دا اصلا امجد مش بيحبه انا هشتريلك حاجات شيك وهتعجبك ومش مكشوفه كده قولي لأمجد انك هتروحي معايت بكره علشان يعرف وبلاش تعاملي فداء وحش حرام هي ملهاش ذنب في حاجه وكويسه
روح بابتسامه: حاضر هعمل كل ال جولتيلي عليه
اما في مكان اخر جلست هذه السيده التي تحدثت بحده مردفه: ومستنين اي لحد دلوجتي لو ماتت امجد مستحيل يجول لعمته انها بنتها علشان متزعلش
الرجل: طيب ما هي ممكن تكون عرفت
السيده: لع لو عرفت اكيد كانت البلد كلها عرفت بس احنا مش ملاحظين اي تغير خلصوا عليها وخلاص
في الصباح دخل امجد الي البيت بعدما انتهي من ممارسه الرياضه فوجد عمته التي تحدثت مردفه: عرفت رقم مين ال بعتلي الرساله يا امجد
امجد: سليم بيشوف وهيجولي.. انا هطلع اغير هدومي وامشي
زينه : لا انا ال عامله الفطار انهارده.. هنفطر كلنا مع بعض
امجد بابتسامه: تمام
