النور
اقترب امجد منها ثم احتضن وجهها بيده وتحدث بهدوء مردفا بعدما مسح دموعها: انا مينفعش اسيبك تمشي تاني.. ما صدجت عرفت اجيبم اهنيه وتبجي جمبي
روح بدموع: يعني بتحبني صوح
تنهد امجد بضيق ثم تحدث مردفا: طبعا بحبك
روح بسعاده ودموع: خلاص عاملني زي ما اي واحد بيعامل مرته حسسني انك متجوزني بجد وبتحبني
نظر امجد الي روح بضيق شديد ثم تحدث مردفا: روح انتي لسه صغيره جوي علي كل دا انا بعمل اكده علشان مصلحتك انتي مستعجله ليه علي كل حاجه
روح بحزن: علشان انا بحبك وهما جالولي ان الجواز اكده بس انت مش بتعمل اي حاجه ومعتبرني مليش لازمه اهنيه خليك معايا واعتبرني اني مرتك يا لو مش عايزني خليني اروح لأهلي
امجد بضيق: ماشي يا روح
روح بسعاده: بجد يعني هستناك بليل وهتجعد معايا وهنتكلم ونعمل كل حاجه
امجد: اها ان شاء الله انا همشي بجا
القي امجد كلماته ثم ذهب من البيت اما عند فداء فحاولت ان تتذكر اي شئ ولكن لم تستطع فدخل طاهر وتحدث مردفا: متأكده انك عايزه كده
فداء بضيق: ايوه يا طاهر لازم دا ال يحصل
تنهد طاهر صم جلس بجانبها لبعض الوقت اما عند امجد كان يجلس في احدي الكافيهات وامامه اللاب توب الخاص به يري تسجيلات المراقبه في البيت يحاول ان يبحث عن اي شئ ليكتشف ما حدث مع فداء ولكن بدون فائده حتي جاء شاب يرتدي زي الشرطي وجلس امامه وتحدث بضيق مردفا: هتفضل زعلان اكده كتير
اغلق امجد الجهاز وتحدث مردفا: هو انا يا ابني معرفش اهرب منك شويه
سليم بضحك: لع مش هتعرف زكل ما تختفي هعرف اجيب مكانك.. جولي بجا عرفت اي حاجه
امجد بضيق: لع مفيش اي دليل مش لاجي حاجه اصلا علشان اجولك تدور فيها مش عارف اي ال حوصل ومين ممكن يعمل اكده في فداء
سليم: طيب وروح؟!
امجد بجديه: مش هعرف اعمل حاجه معاها انا عارف انها هي ال خدت الخاتم مش مكه وانها غلطانه في حاجات كتير بس مينفعش احاسبها دلوجتي وكمان مش عارف هجيب الحكايه ازاي لعمتي.. ومش هعرف اتعامل معاها كمرتي
سليم بضيق: امجد كان لازم تفكر في الموضوع دا جبل ما تتجوزها هي مرتك وطبيعي دا يوحصل بينكم
امجد بحده: هدمرلها حياتها لييه مع انها ممكن تتحوز واحد تاني من سنها لما تكبر شويه هتتحسب عليها جوازه وانا اصلا معرفش اعمل اكده وهي في السن دا ولو عملت هجول اي لعمتي لما تعرف انها بنتها
سليم: انت لسه بتحب فداء صوح
امجد بحزن: ايوه لسه بحبها ودا من ضمن الاسباب اني مينفعش اعمل اي حاجه مع روح انا مجدرش اعتبر اي واحده مرتي غير فداء بس اعمل اي في ابن الجزمه ال واجفلي زي العقده دلوجتي اجتله واخلص منه وارتاح
سليم بأستغراب: مين دا؟ طاهر
امجد بحده: ايوه هو نفسه يبعدها عني بأي طريجه بس دا مش هيوحصل انا هجول لفداء كل حاجه واني لسه بحبها وهحكيلها سبب جوازي بروح
سليم: طيب وروح هتعمل معاها اي
امجد بضيق: مش عارف بس مش هعرف اعمل اكده ولا هسمحلها ترجع للعيله دي تاني انا اصلا لسه محاسبتش حد فيهم لحد دلوجتي علي ال عملوه وخطفهم لروح انا هوريهم اسود ايام حياتهم
