روايه للكاتبه مريم نصار ٤
عدني ان لا ترحل
كن معي ضماد لجروحي
ماء اذ جفت عروقي
محرما ليمسح دموعي
كن هنا…بين ضلوعي
قلبي وانا لا نستطيع ان نودعك
لا ترحل …فكلي امل ببقائك
لا ترحل فتق.تل امل دام بوجودك
كن معي كاضلي.. لازمني حتى في مسيرتي
كن معي
كن معي
كن معي ..ياحبيبي
لا استطيع ان اعيش بدونك
ساارحل ان رحلت
اسمع نداي لا تعاندني
فاانا اسمعك لتسمعني
انصت لي … فل تسمعني
هل تخيلت ان تكون يوم بدوني
انا ايضا لم اتخيل ان اكون يوم بدونك
اعشقك مهما تالمت من جروحك
مهما طعنتني كلماتك القاسيه
سااكون لك متى ماشات
ولاكن …. عدني ان تبقى معي
حبيـــــــــــبي
؟؟؟!!!!!!!!!!!!!!!
قصة العشق والغفران.
البارت الثامن عشر:
وجريت العربيه اللى خبطت فارس ومحدش حتى عرف ياخد ارقامها…واتلمو الناس على يارا وفارس وطلبو الاسعاف وخدوه المستشفى ودخلوه غرفة العمليات.
ويارا واقفه برا منهاره فى العياط وفضلت تدعى وتقرا قرأن…وفاجاه جت عليها الممرضه.
الممرضه:يا انسه.
يارا:نعم.
الممرضه:الاستاذ اللى جوا كان قبل م نبداء العمليه عمال يقول كلام ملغبط ومش مفهوم واللى فهمناه من كلامه ان فيه ورقه فى محفظته عايز يديهالك..هو انت مش اسمك يارا؟؟
يارا:ايوه.
الممرضه:اتفضلى.
واديتها الورقه…مضمون الرساله اللى فى الورقه كان.
“الجواب ده انا كتبتبه من يوم م عرفت انى بحبك يارا انتى انسانه رقيقه وجميله اوى ومن اول يوم اتقابلنا لما خبطنا فى بعض النادى فاكره,من يومها وانا حاسس انى بحبك اوى حبيت ابتسامتك اللى عمرى م هنسها وكل حاجه حصلت بينا فى الشهرين خلتينى احبك اوى..وانا خايف من اليوم اللى يجى وتعرفى فيه حقيقتى انا خايف تبعدى عنى..ده انتى ملاكى اللى خلانى ابعد عن العالم اللى كنت فيه مش عايز اسيبك ابدا انا بستمد منك قوتى..نفسى تفضلى جمبى علطول انا بحبك..اتمنى انك انتى كمان تكونى حبتينى…بحبك…فارس”
يارا رمت الورقه وجريت على غرفة العمليات وراحتله وصرخت وعنيها كلها دموع:لا مش هتمو.ت انا بحبك..انسى كل اللى انا قلته ارجع يافارس..متمو.تش انا ازاى هعرف اعيش منغيرك يارا مينفعش تعيش من غير فارس..يافارس ارجع ارجوك متسبنيش.
وهنا الممرضات طلعوها من غرفة العمليات وهى فضلت تعيط بره الاوضه
..وعدا ساعه ونص وخرج الدكتور.
يارا:هاه يادكتور فارس اخباره ايه؟؟
الدكتور:ياانسه ده انكتبلو عمر جديد انا مندهش احنا ازاى انقذناه الخبطه كانت جامده جدا على دماغه..بس هو حاليا تمام بس فى ك.سر فى الرجل الشمال والايد الشمال كمان وطبعا فيه شوية كدمات.
