رانيا من ١ إلى ٦
مين حضرتك؟ وعربيتى بتعمل أيه معاكى ؟ وليه ادم بعت العربيه معاكى ؟
قالت سلمى ببكاء يهشم القلوب : آدم …. اتقتل
لم يستوعب سليم كلماتها فقد ألجمت الصدمه لسانه وقال بعدم فهم أو يرفض تصديق ما قالته فقد عرفها الان من صوتها: آ…دم مين اللى أتقتل ؟
ثم صاح بها قائلاً : أنتى بتقولى أيه آدم لسه ماشى من عندى دلوقت مستحيل أصدق اللى بتقوليه ده
أزداد بكاؤها أكثر وقالت : دى الحقيقه آدم أصر أننا نواجهم واتقتل على ايد حسين أبن عمى وكان هيقتلنى لولا أخويا هربنى منهم
كانت تحكى له وهو جلسا سانداً مرفقيه على قدمه وضعاً رأسه بين يديه يحاول كبت دموعه وبعد انتهاؤها رفع نظره اليها قائلا بحزن شديد :إنا لله وإنا إليه راجعون
لم يرد عليه سوى بكاؤها المتواصل فقالت والدته بقلق على إبنها الوحيد : طيب أنت جايه له دلوقت ، اكيد هيعرفوا مكانك وممكن أبنى كمان يتقتل فيها وأنا مليش غيره
شعرت ليلى بحماقة فعلتها وقالت : أنا أسفه إنى جتلكم بس آدم قبل ما يموت طلب من إنى الجألك
أغمض سليم عينيه فسقطت منها العبرات دون توقف فقد أوصاه أيضاً عليها قبل ذهابه إذا فقد كان يشعر بموعد أجله ، لكنه الان لا يعرف ماذا يفعل وكيف يتصرف ، هل يهربها الى القاهره الان وتظل مطارده منهم ؟ لكن الى متى ستظل هاربه منه أذا فالحل الوحيد الان هو
أن يتزوجها ويعمل بوصية صديقه ويحميها منهم ؟
ظل يفكر هكذا حتى سمع صوت والدته تقول لها : أرجوكى يابنتى تمشى قبل ما حد ياخد خبر بوجودك هنا وأبنى يتآذ فيها انا مليش غيره خدى الفلوس اللى أنتى عا…….
لكن صوت سليم أوقفها قائلا : أمى لو سمحتى بلاش الكلام ده ، وبعدين آدم الله يرحمه كان موصينى عليها وهى دلوقت بقت فى حمايتى
صاحت بها والدته قائله : أنت بتقول ايه ؟ البنت دى لازم تمشى من هنا حالاً
قام سليم من مكانه وقال بإصرار : وانا مش هتخلى عنها لأنها أمانه فى رقبتى وهبعت اجيب المأذون ونكتب الكتاب فى حماية المركز
ردت والدته بإصرار أشد وقالت : اللى انت بتقوله ده مستحيل يحصل فاهم يعنى أيه
أغمض سليم عينيه يحاول تهدئة أعصابه حتى لا ينفعل على والدته التى لا تفعل ذلك الا خوفاً عليه لكنه أيضا يحافظ على أمانة صديقه الذى ضحى بنفسه لأجلها فقال بهدوء : متخافيش ياأمى لأننا هنكون فى حماية الشرطه مش هيقدروا يعملوا حاجه وبعدين أحنا من أمتى بنقفل باب فى وش حد
