رانيا من ١ إلى ٦

فقال سالم أثناء المجلس لمدير الامن : تسمحلى سياتك أجولك كلمتين لعمى صالح

سمح له مدير الامن بالكلام فعاد يقول : شوف ياعمى أنت خابر زين علاقتى بآدم الله يرحمه كانت كيف وعارف أننا أصحاب من زمان أنا ومراد ولد عمى، وكنا عارفين أنه رايد أختنا وأول متقدم كلنا وجفنا معاه وحاولنا نقنع أبوى بس والدى كان عاطى لأخوه كلمه وملتزم بيها ومكنش ينفع يرجع عنيها ، وطبعاً مينفعش يزعل أخوه عشان حد تانى أياً

وأى حد هيعرف كده هيجول إبن عمها أولى بيها ، بس أبنك أخدها من ورانا وكتب كتابه عليها وجاى كمان يواجهنا بفعلته فكنت مستنى أيه منينا وجتها ، وانت أكتر واحد خابر بكده

شعر صالح أنه يلمح له بفعلت زوجته فلم يستطيع الرد عليه فعاد سالم يقول : وإذا سمحت يعنى، أنا دلوقت بطلب منك يد ورد بنتك وهيبجى شرف كبير لى ونوجف تيار دم هتروح فيه أجيال فايه رأيك ياعمى

رحب الجميع بتلك الفكره معاد عامر وصالح الذى رفضا بشده ،فقال سليم كى ينهى النقاش فى هذا الامر :أظن أن النسب فى المواقف اللى زى دى انسب حل للطرفين وبعدين انت عندك أبن صغير ولو استمريت فى عنادك أبنك ده لما يكبر هييجى الدور عليه فالافضل للجميع دلوقت إنك توافق ع الجوازه دى

ضرب صالح بعصاه الارض وقد أخذ الغضب منه مبلغه وصاح قائلاً: خرچوا بنتى بعيد عن الموضوع ياإما هيكون ردى أشد من اللى كانت اعمله

حاول مدير الأمن تهدئته وقال : طيب أهدى بس ياحاج وخالينا نتفاهم بالعقل

رد صالح برفض قاطع : جولت لأ بنتى خارج الموضوع ، وبعدين اللى اعرفه ياباشا أن فض التار فى موجفنا ده إننا احنا اللى ناخد منيهم

مش هما اللى يجتلوا وكمان ياخدوا بنت من بناتنا

رد مراد بتأكيد: عندك حج محدش يجدر يجول حاچه بس والله انا لو عندنا بنت

ولعلمك قبل الحادثه دى كنا جايين نطلب يدها لسالم ، يعنى أحنا مش رايدينها لفض تار ، لا أحنا رايدينها من زمان تحمل أسمنا وده شايفينوا شرف كبير لينا ، جولت أيه وكلمتك هتمشى علينا كلياتنا فإن وافجت ده شرف كبير لينا وأن رفضت دى بنتك وانت حر

لم يستطيع صالح الرفض بعد ذلك الكلامه الذى رفع من شأنه وشأن أبنته أمام الجميع فقال بلهجه قاطعه : بس بشرط

رد سالم قائلاً : أنا موافج عللى تجول عليه

نظر الى عامر قائلاً : هو شرط واحد مفيش غيره ، بنتى متجعدش فى البيت اللى أتجتل فيه ولدى ولا تخطى عتابته فى يوم من الايام