رانيا من ١٩ إلى ٢٤

رمشت ليلى بعينيها مرات متتاليه وقالت بخجل : ها …. أصل أنا يدوب خلصت

أومأ لها سليم وقال وهو يقترب منها : اتوضيتى

ردت ليلى بسرعه. : اه

: طيب يالا نبدأ

وقف سليم وليلى ليقضوا صلاتهم فى خشوع وقد ازدادت سعادتهم بهذه الصلاه التى دعوا فيها بأن يديم الله عليهم سعادتهم وأن يبارك زواجهم وأن يكون هذا الزواج مقربهم لطاعته

انتهى سليم وليلى من صلاتهم

والتف سليم اليها واضعاً يده على رأسها كى يقرأ الدعاء وبعد الانتهاء جلس سليم قابلتها ثم سألها قائلاً : مبسوطه ياليلى

نظرت اليه ليلى بحب شديد وقالت : أسعد يوم فى حياتى انهارده مش مصدقه إننا خلاص رجعنا لبعض تانى ، حاسه إنى بحلم

ثم عادت بذاكرتها للوراء وقالت : انت متعرفش أيه اللى حاصلى لما وافقت على الطلاق ياسليم ، وطلقتنى ومشيت

حسيت إن قلبى سابنى وراح معاك

واتمنيت وقتها إنك ترجع تانى ، بس افتكرت كلام الدكتوره دى وقولت إنك أكيد وافقت عشان ترجعلها

قضب سليم حاجبيه سألها قائلاً : تقصدى راندا ؟

أومأت برأسها وقالت بحزن : متعرفش كلامها ده عمل فيا أيه

اتأكدت وقتها إنى بالنسبالك عمل إنسانى ومصدقت خلصت منه ، ورغم زعلى عليك ، بس حسيت أد أيه انت انسان كويس ونادر وجودك ، واتمنيت إننا كنا اتقابلنا فى ظروف مختلفه عن كده ، بس اللى هون علىّ فى الوقت ده رجوعك لحبيبتك وإنك خلاص رجعت لحياتك اللى كنت أنا السبب في دمرها

ر،د سليم معاتبا إياها : انتى عارفه ياليلى ؟ إنى اتقتلت مرتين على أيدك ؟

رفعت ليلى نظرها إليه تستفهم معنى كلامه

فأردف قائلاً :

أول مره لما طلبتى منى الطلاق ، خفت أرفض أكون بفرض نفسى عليكى ، وتكونى مش عايزانى

والتانيه لما شوفتك مع عماد ، وهو بيحاول يمسك إيدك ويعترفلك بحبه

قتلتينى وقتها ياليلى لدرجة إنى مكنتش عارف أتصرف إزاى

مقدرتش أستنى اكتر من كده ، وسيبتك ومشيت

وكررتيها تانى لما ركبتى معاه العربيه لوحدك

واتهجم كمان عليكى ، كنت هقتله وقتها ، واللى منعنى إنى خفت عليكى ، خفت المنظر يتعاد أدامك من تانى

وأكتفيت بالبكسين اللى خادهم

ضحكت ليلى وقالت : أكتفيت ؟! دا ضربه كمان وكان هيموت فى إيدك

ضحك سليم أيضا عندما تذكر مافعله به وقال : يستاهل

أراد سليم حذف تلك الذكريات الأليمة من حياتهم وأن يبدأوا صفحه

ثم نظر اليها بخبث وقال : أحنا هنقضيها كلام ولا أيه ، المهم إننا رجعنا لبعض تانى ورجعتى لحضنى